ترەمپ هەڕەشەی زیادکردنی باج بە ڕێژەی 50% بۆ سەر چین دەکات

ئاڤا نیوز

 

دۆناڵد ترەمپ هەڕەشەی زیادکردنی باج لەسەر بەرهەمەکانی چین دەکات گەر هاتوو پەکین لە بڕیاری زیادکردنی باج بۆسەر بەرهەمەکانی ئەمریکا پاشگەز نەبێتەوە.

 

وێنە گەورەکە: ڕاگەیاندنی جەنگی بازرگانی لەلایەن دۆناڵد ترەمپەوە دژ بە 50 وڵات بووەتە هۆی دروستبوونی دۆخێکی ناسەقامگیر لە بازرگانی جیهاندا، چین یەکێک لەو وڵاتانە بوو بە خێرایی وەڵامی سزاکەی ترەمپی دایەوە، لە وەڵامی بڕیاری پەکین بۆ زیادکردنی ڕێژەی باج بە ڕێژەی 34% بۆ سەر بەرهەمەکانی ئەمریکا، دۆناڵد ترەمپ هەڕەشەی زیادکردنی باج بۆ سەر بەرهەمەکانی چین بە ڕێژەی 50% دەکات.

 

بڵاوکراوەی فەرمی: دۆناڵد ترەمپ، سەرۆکی ئەمریکا لە پلاتفۆرمی تروس سۆشیال ڕایگەیاند: " گەر چین لە بڕیاری زیادکردنی باج بە ڕێژەی لە 34% بۆ سەر بەرهەمەکانی ئەمریکا پاشگەز نەبێتەوە، بڕیارێکی نوێ بۆ زیادکردنی باج بە ڕێژەی 50% بۆ سەر بەرهەمەکانی چین واژۆ دەکەم و رۆژی چوارشەممە 9-4-2025 دەچیتەوە بواری جێبەجێکردنەوە."

 

باکگراوند: لە بڕیارێکی مێژووییدا، لە 2-4 – 2025  دۆناڵد ترەمپ، باجی گومرکی بەسەر 50 وڵاتدا سەپاند و جەنگی بازرگانی دژ بە جیهان ڕاگەیاند، هەموو ئەو وڵاتانەش بە بەرپرسیار دەزانێت کە مامەڵەی خراپیان لەگەڵ ئەمریکا کردووە و بە هۆکاری زیانگەیاندن بە ئابووری ئەمریکا تۆمەتباری کردن.