مووچەی مامۆستایانی گرێبەستی پەروەردە و خوێندنی باڵا دابەش دەکرێت

ئاڤا نیوز

وەزارەتی دارایی و ئابووری حکومەتی هەرێمی کوردستان ڕاگەیێنراوێکی لەبارەی دابەشکردنی مووچەی مامۆستایانی گرێبەستی وەزارەتی پەروەردە و خوێندنی باڵا بڵاوکردەوە.
 
وێنە گەورەکە: لە مانگی حەوتی ساڵی ڕابردووەوە ژمارەیەک فەرمانبەر و مامۆستا لەسەر میلاکی پەروەردە بە شێوەی گرێبەست دامەزراون و تاوەکو ئێستا مووچەی مانگی سێیان وەرنەگرتبوو، هاوکات زیاتر لە چوار هەزار مامۆستای گرێبەستی خوێندنی باڵاش مووچەی مانگی یەک و دوویان بۆ خەرجنەکرابوو بڕیارە وەریگرن.

 

ڕاگەیێنراویی فەرمی: وەزارەتی دارایی و ئابووری لە ڕاگەیێنراوێکدا ئاماژە بەوەدەدات، "ڕۆژی پێنج شەممە مووچەی مانگەکانی یەک و دووی مامۆستایانی گرێبەستی وەزارەتی خوێندنی باڵا و مووچەی مانگی سێی مامۆستایانی گرێبەستی وەزارەتی پەروەردە لەسەر داهاتی ناوخۆ دابەش دەکرێت."

 

ئەوەی پێویستە بیزانیت: ژمارەی مامۆستایانی گرێبەستی وەزارەتی پەروەردە نزیکەی 38 هەزار کەسن، مامۆستایانی خوێندنی باڵاش چوار هەزار و 100 کەس.