نێچیرڤان بارزانی: لەگەڵ یەکێتی لێکتێگەیشتنی ئەرێنی لە نێوانماندا هەیە

ئاڤا نیوز

 

نێچیرڤان بارزانی، جێگری سەرۆکی پارتی دیموکراتی کوردستان سەبارەت بە دواکەوتنی پێکهێنانی حکومەتی هەرێمی کوردستان دەڵێت، "لەبەر پشووی جەژن و نەورۆز پێکهێنانی حکومەت دواکەوت و لێکتێگەیشتنی ئەرێنیمان لەگەڵ یەکێتی هەیە."

 

وێنە گەورەکە: پارتی و یەکێتی وەک براوەی یەکەم و دووەمی هەڵبژاردنەکانی پەرلەمانی کوردستان لە هەوڵەکانیان بۆ پێکهێنانی کابینەی نوێی حکومەت بەردەوامن، تا ئێستا 90%ـی کارەکانیان تەواو کردووە، بڕیارە لەچەند ڕۆژی داهاتوو کۆبوونەوەیەکی دیکە بکەن.

 

لێدوانی فەرمی: نێچیرڤان بارزانی، جێگری سەرۆکی پارتی دیموکراتی کوردستان گوتی، "گفتوگۆی جددی لەنێوان ئێمە و یەکێتی و لێکتێگەیشتنی ئەرێنی لە نێوانماندا هەیە بۆ پێکهێنانی کابینەی نوێی حکومەتی هەرێمی کوردستان. "

 

ئەمەش بزانە: هەنگاوی داهاتوو پارتی و یەکێتی بەفەرمی دێنە سەر دابەشکردنی پۆستەکان و بەپێی لێکتێگەیشتنی نێوانیان پۆستەکان  دابەش دەکەن.