دهۆک هەنگاوێک لە نووسینەوەی ڕووداوێکی مێژوویی دوورە

ئاڤا نیوز

 

کوڕانی دانسیا لە یاریی چوونە کۆتایی خولی یانە پاڵەوانەکانی کەنداو دەبنە مێوانی قادسیەی کوێتی، دەیانەوێت بۆ یەکەمین جار لە مێژوودا بچنە سەر سەکۆی نازناوەکە و 15ـی ئەم مانگە لە نێو خاکی خۆیان و لەبەردەم هەزاران هاندەردا جامەکە بەرز بکەنەوە.

 

چیرۆکی سەرەکی: دوای 10 ساڵ لە وەستاندنی جارێکی دیکە خولی یانە پاڵەوانەکانی کەنداو دەستیپێکردەوە و دهۆکیش یەکەمجارە بەشداریی دەکات، بردنەوەی نازناوەکە یەکسانە بە بەدەستهێنانی سێ ملیۆن دۆلار پاداشتی پاڵەوانبوون.

 

زانیاریی زیاتر: لە خولی یانە پاڵەوانەکانی کەنداو هەشت یانە بەشداربوون و بەسەر دوو كۆمەڵەدا دابەشکران، لە هەر كۆمەڵەیەك دوو یانە هاتنە قۆناغی پێش كۆتایی دوای ململانێیەکی زۆر، سەرەنجام دهۆک و قادسیەی کوێتی گەیشتنە کۆتایی پاڵەوانێتییەکە.

 

لەلایەکی دیکەوە: بڕیارە ئەمشەو کاتژمێر 7:45 خولەک لە یاریی چوونی کۆتایی، دهۆک دەبێتە میوانی قادسیە هەزاران هاندەر لە شار و شارۆچکەکانی کوردستان چوونەتە کوێت بۆ پشتیووانی لە هەڵۆکانی چیا.

 

ئەوەی پێویستە بیزانیت:  15ـی مانگە لەسەر یاریگەی دهۆک یاریی گەڕانەوە دەکرێت، بەئەنجامی هەردوو یاریی یانەی براوە دیاریدەکرێت، ئەگەر لە هەردوو یارییەکشدا یەکسانبن لێدانی یەکلاییکەرەوە پاڵەوان دیاریدەکات.

 

- لە كۆتایی دا باشترین یاریزان و باشترین گۆڵپارێزی و گۆڵكاری پاڵەوانێتییەكەش هەریەكەیان 50 هەزار دۆلار وەردەگرێت.