لە سۆران ناوی زیاتر لە 15 هەزار کەس بۆ وەرگرتنی زەوی گەڕاوەتەوە

ئاڤا نیوز

 

پرۆسەی دابەشکردنی زەوی گەیشتە سۆران و بەشێکی ناوی فەرمانبەران گەڕێنراونەتەوە و ئێستا پرۆسەی ئامادەکردنی زەوی دەستیپێکردووە.

 

وێنە گەورەکە: شارەوانییەکان ڕۆژانە لە وەزارەتی شارەوانی و گەشت و گوزار ئەو ناوانە دەبەنەوە کە لەلایەن ئەنجوومەنی وەزیرانەوە پەسەند کراون، تاوەکو ئێستا زیاتر لە 15 هەزار ناو بۆ ئیدارەی سەربەخۆی سۆران گەڕاوەنەتەوە.

 

لێدوانی فەرمی: خەسرەو ئیسماعیل، بەڕێوەبەری گشتیی شارەوانییەکانی ئیدارەی سەربەخۆی سۆران بە ئاڤای گوت، "15 هەزار  و 600 ناو گەڕاوەتەوە و چاوەڕێین تەواوی ناوەکان بێنەوە، ئینجا بەگوێرەی خاڵ زەوییەکان دابەش دەکەین."

 

ئەمەش بزانە: سێ هەزار و 500 پارچە زەوی لە سنووری سۆران ئامادەکراون و بە بەردەوامی کار لەسەر جیاکردنەوەی نەخشەی کەرتی دەکرێت.