کۆمیسیۆن: ئامادەین بۆ بەڕێوەبردنی هەڵبژاردن لە وادەی خۆیدا

ئاڤا نیوز

 

کۆمیسیۆنی باڵای سەربەخۆی هەڵبژاردنەکانی عێراق ڕایگەیاند، ئامادەیە بۆ بەڕێوەبردنی هەڵبژاردنی پەرلەمان لەو وادەیەی ئەمڕۆ ئەنجوومەنی وەزیران دیاریکرد.

 

ئەوەی پێویستە بیزانیت: ئەمڕۆ ئەنجوومەنی وەزیرانی عێراق بڕیاری دا ڕۆژی (11-11-2025) هەڵبژاردنی خولی شەشەمی پەرلەمانی عێراق بەڕێوەبچێت.

 

لێدوانی فەرمی: جومانە غەلای، وتەبێژی کۆمیسیۆنی باڵای سەربەخۆی هەڵبژاردنەکانی عێراق بە ئاڤا میدیای ڕاگەیاند، کۆمیسیۆن ئامادەیە بۆ بەڕێوەبردنی هەڵبژاردنی خولی شەشەمی پەرلەمانی عێراق لەو وادەیەی ئەمڕۆ ئەنجوومەنی وەزیران دیاری کرد.

 

ژمارەکان وادەڵێن: بۆ هەڵبژاردنەکەی 11ی تشرینی دووەم، زیاتر لە 29 ملیۆن کەس لە عێراق و هەرێمی کوردستان مافی دەنگدانیان دەبێت، بۆیەکەمجاریش لە دایکبووانی ساڵی 2007 دەنگ دەدەن.