ترەمپ باج بۆ سەر 75 وڵات ڕادەگرێت و بۆ سەر چین 125% زیاد دەکات

ئاڤا نیوز

دۆناڵد ترەمپ، بڕیاری سەپاندنی باجی گومرکی بۆسەر 75 وڵات بۆ ماوەی 90 ڕۆژ ڕادەگرێت و ڕێژەی باجی گومرکی بۆسەر چین زیاد دەکات.

وێنە گەورەکە: دوای ڕاگەیاندنی جەنگی بازرگانی دژ بە دەوڵەتانی جیهان و وەڵامدانەوەی بەشێک لەو دەوڵەتانەی لە لیستەکەی سەرۆکی ئەمریکادا ناویان هاتبوو، ئەمڕۆ بە بڕیارێکی نوێی و چاوەڕوان نەکراو جیهانی تووشی شۆک کرد، لە نوێترین بڕیاریدا سەپاندنی باجی گومرکی بۆسەر 75  وڵات بۆ ماوەی 90 ڕۆژ ڕاگرت و ڕێژەی باجی گومرکی بۆسەر چین بۆ 125% زیاد کرد.

بڵاوکراوەی فەرمی: دۆناڵد ترەمپ، سەرۆکی ئەمریکا لە پلاتفۆرمی سۆشیال تروس دوو بڕیاری نوێی سەبارەت بە باجە گومرگییەکان بۆ سەر وڵاتان ڕاگەیاند و لە سەر بنەمای داواکاری 75 وڵات بۆ پێداچوونەوە بە سیاسەتی بازرگانی ئەمریکا، بڕیاریداوە بۆ ماوەی 90 ڕۆژ بڕیارەکە ڕابگرێت و ڕایگەیاند: ئەو وڵاتانە هیچ وەڵامێکی تۆڵەسێنەرەوەیان بۆ بڕیارەکەی ئەمریکا نەبووە و داواکارییان پێشکەش کردووە بۆ گفتووگۆکردن لەسەر پەیوەندییە بازرگانییەکان.

- ترەمپ لە درێژەی بڵاوکراوەکەیدا ڕایگەیاندووە: وەڵام و مامەڵەی چین بووە هۆی زیانگەیاندن بە بازاڕی جیهان، بۆیە ڕێژەی باجی گومرکی بۆ سەر چین بۆ 125% بەرزدەکەمەوە و بڕیارەکەش ڕاستەوخۆ جێبەجێدەکرێت.