Open AI سکاڵای یاسایی دژی ئیلۆن مەسک تۆمار دەکات

ئاڤا نیوز

کۆمپانیای Open AI سکاڵای یاسایی دژی ئیلۆن مەسک تۆمارکردووە و ئەو کۆمپانیایە دەیەوێت خۆی بپارێزێت لەهەر تۆمەتێکی دیکەی نایاسایی مەسک.

چیرۆکی سەرەکی: ڕۆژی چوارشەممە، 2025-04-09، کۆمپانیای Open AI سکاڵایەکی یاسایی دژی ئیلۆن مەسک لە دادگا تۆمار کردووە و داوای لە دادوەرێکی فیدراڵی کردووە ڕێگری لێبکات لە ئەنجامدانی هەر کارێکی نایاسایی یان نادادپەروەرانە دژی کۆمپانیاکە.

زانیاریی زیاتر: ئەم سکاڵایەی Open AI دوای ئەوە دێت کە ئیلۆن مەسک بەردەوام تۆمەت بۆ ئەو کۆمپانیایە دروست دەکات و بەرپرسانی نیگەرانن لەو کارانە.

ئەمەش بزانە: ئیلۆن مەسک لە ساڵی 2015 یەکێک بوو لە دامەزرێنەرانی Open AI، بەڵام دواتر جیابووە و بەردەوام تۆمەتباری دەکات بەوەی زیرەکی دەستکرد بۆ چەواشەکاری بەکار دەهێنێت، دواتر 97.4 ملیار دۆلاری پێشکەش بە دەستەی بەڕێوەبەری جێبەجێکاری Open AI کردووە بۆ کڕینی ئەو کۆمپانیایە.