شاندی ئەمریکی و ڕووسی ئەمڕۆ لە ئەستەنبووڵ کۆدەبنەوە

ئاڤا نیوز

 

شاندی ئەمریکا و ڕووسیا، بە تاوتوێکردنی پرسی دەستپێکردنەوەی بەشێک لە چالاکییەکانی باڵیۆزخانەکانیان لە وڵاتانی یەکدی ئەمڕۆ لە ئەستەنبووڵ کۆدەبنەوە.

 

وێنە گەورەکە: دوای ماوەیەک گرژیلە  نێوان واشنتن و مۆسکۆدا، بەهۆی شەڕی ڕووسیا لەگەڵ ئۆکراینا، دووبارە هەردووک وڵات هەوڵەکانیان بۆ پرسی دیپلۆماسی و دەستپێکردنەوەی چالاکییەکانی باڵیۆزخانەکان  دەخەنەگەڕ و ئەمڕۆ دیدارێک ئەنجام دەدەن.

 

زانیاریی بەدەستهاتوو: لە گرتە ڤیدیۆییەکانی ئاژانسی ڕۆیتەرزدا دەرکەوتووە کە چەند ئۆتۆمبێلێک دەچنە ناو باڵەخانەی کونسوڵخانەی ڕووسیا لە ناوەڕاستی ئەستەنبووڵ.

ئەوەی لەبارەیەوە دەگوترێت: سەرنجی سەرەکی گفتۆگۆیەکان، بە وتەی هەردووڵا گەڕاندنەوەی کاری نوێنەرایەتییە دیپلۆماسییەکانە.

 

لەلایەکی دیکەوە: تامی برووس، وتەبێژی وەزارەتی دەرەوەی ئەمریکا جەختیکردەوە، گفتوگۆیانە تەنها جەخت دەکەنە سەر چالاکییەکانی باڵیۆزخانەکانمان دەکەنەوە، هیچ پرسێکی سیاسی یان ئەمنیی سەبارەت ئۆکراینا لە ئەجێندا نییە.