ئەوروپا ستایشی بڕیارێکی ترەمپ دەکات

ئاڤا نیوز

 

دوای ڕاگرتنی باجە گومرکییەکان لەلایەن ترەمپەوە بەسەر زۆرینەی وڵاتانی جیهان، سەرۆکی کۆمیسیۆنی یەکێتیی ئەوروپا ئەم هەنگاوە بە باش دەزانێت ئامادەیی بۆ گفتۆگۆ لەگەڵ ئەمریکا دەردەبڕێت.

 

چیڕۆکی سەرەکی: دوای ئەوەی دۆناڵد ترەمپ، سەرۆکی ئەمریکا بڕیارە نوێیەکەی سەبارەت بە باجە گومرکییەکان ڕاگرت، کە بریتی بوو لە ڕاگرتی سەپاندنی باجی گومرکی بۆسەر 75 وڵات بۆ ماوەی 90 ڕۆژ و ڕێژەی باجی گومرکی بۆسەر چین بۆ 125% زیاد کرد.

 

لێدوانی فەرمی: ئۆرسولا ڤۆن دێر لاین، سەرۆکی کۆمیسیۆنی ئەوروپا پێشوازی لە بڕیارەکەی دۆناڵد ترەمپ، سەرۆکی ئەمریکا دەکات و ڕایگەیاند، ئەمە هەنگاوێکی گرنگ بۆ سەقامگیرکردنی ئابووری جیهانی.

 

زانیاریی زیاتر: یەکێتیی ئەوروپا وەک بەشێک لە وڵاتەکانی دیکە باجی ئەمریکای بەسەردا سەپێنرابوو کە ڕێژەکەی 20% بوو هەرچەندە یەکێتی ئەوروپا بە ڕوونی ڕایگەیاندووە کە پێی باشترە خۆی لە تۆڵەسەندنەوە بەدوور بگرێت.

 

باکگراوند: لە 2-4-2025 دۆناڵد ترەمپ واژۆی لەسەر پێناسە گومرگییەکانی وڵاتانی جیهان کرد و لە سەروو هەمووشیانەوە، باجی 25%ی بەسەر ئۆتۆمبێلی وڵاتانی بیانیدا سەپاند، بەڵام لە 9-4-2025 لە سەر بنەمای داواکاری 75 وڵات بۆ پێداچوونەوە بە سیاسەتی بازرگانی ئەمریکا، بڕیاریداوە بۆ ماوەی 90 ڕۆژ بڕیارەکە ڕابگرێت.