میشێل ئۆباما دەنگۆی جیابوونەوەی ڕەتدەکاتەوە

ئاڤا نیوز

میشێل ئۆباما، خانمی یەکەمی پێشووی ئەمریکا، ئەو دەنگۆیانە ڕەتدەکاتەوە کە باس لەوە دەکەن لەگەڵ باراک ئۆبامای هاوژینی کێشەی خێزانی هەیە.

ئەوەی پێویستە بیزانیت: ئەم دەنگۆیانە دوای ئەوە درووست بوون کە میشێل لە چەند بۆنەی گرنگ، لەوانە ڕێوڕەسمی سوێندخواردنی دۆناڵد ترەمپ، سەرۆکی ئەمریکا و ڕێوڕەسمی بەڕێکردنی تەرمی جیمی کارتەر، سەرۆکی پێشووتری ئەمریکا، بەشدار نەبوو و هاوڕێیەتیی هاوژینەکەی نەکرد. 

لێدوانی فەرمی: میشێل لە پۆدکاستێکدا ڕایگەیاند، ئەو وەک "ژنێکی پێگەیشتوو" ئێستا توانای ئەوەی هەیە کە خۆی بەرنامەکانی خۆی دابڕێژێت، بەڵام خەڵک باوەڕ بەوە ناکەن کە ئەو "خۆی بڕیاری خۆی دەدات" لە بەرئەوە وا بیر دەکەنەوە کە "من لەگەڵ مێردەکەم خەریکی تەڵاق و جیابوونەوەین."