ئەمریکا: ڕاستەوخۆ دانوستان لەگەڵ ئێراندا دەکەین

 

ئاڤا نیوز

لەکاتێکدا ئەمریکا و ئێران خۆیان بۆ خولێکی دانوستان لەم هەفتەیەدا لە عومان ئامادە دەکەن، کۆشکی سپی دووپاتیکردەوە، دانوستانەکانی ئەمریکا لەگەڵ ئێران ڕاستەوخۆ دەبێت، سەرەڕای ئەوەی تاران ڕەتیکردووەتەوە.

وێنە گەورەکە: هەریەکە لە ئێران و ئەمریکا دەیانەوێت مەرجەکانیان لەسەر مێزی گفتوگۆ بسەپێنن و ئەمریکا بە سەپاندنی زۆرترین فشار لەسەر ئەو وڵاتە دەیەوێت تاران ڕازی بکات بە سنووردارکردنی توانا سەربازییەکانی لە ڕۆژهەڵاتی ناوەڕاست.

لێدوانی فەرمی: کارۆلین لیڤیت، وتەبێژی کۆشکی سپی لە لێدوانێکی ڕۆژنامەوانیدا ڕایگەیاند، ڕاستەوخۆ گفتوگۆ لەگەڵ ئێران دەکەین، ترەمپ باوەڕی بە دیپلۆماسی و گفتوگۆ ڕاستەوخۆ لەیەک ژووردا هەیە.

ئەمەش بزانە: بڕیارە سبەینێ، 2025-04-12، لەو وڵاتی عومان ئەمریکا و ئێران لەسەر ئاستی باڵا گفتوگۆکانیان لەسەر پرسی چەکی ناوەکی ئێران و مووشەکە بالیستییەکانیانی ئەو وڵاتە دەستپێبکەن.