ترەمپ: تەندروستیم زۆر باشە

ئاڤا نیوز

دۆناڵد ترەمپ، سەرۆکی ئەمریکا، لەدوای گەڕانەوەی بۆ کۆشكی سپی یەکەم پشکینی ساڵانەی ئەنجامدا و ڕایدەگەیێنێت، تەندروستی زۆر باشە.

 

لێدوانی فەرمی: دۆناڵد ترەمپ، سەرۆکی ئەمریکا ڕایگەیاند، تاقیکردنەوەی مەعریفیم بۆ کراوە وەڵامی هەموو پرسیارەکانم بە دروستی داوەتەوە، بەگشتیی هەستێکی زۆر باشم هەیە.

 

زانیاریی بەدەستهاتوو: ڕۆژی یەکشەممە 13-4-2025،  ئەنجامی تەواوی پشکنینەکانی ترەمپ بڵاودەکرێنەوە.

 

ئەمەش بزانە: دۆناڵد ترەمپی تەمەن 78 ساڵ، لە دوای دەستپێکردنی خولی دووەمی سەرۆکایەتییەکەی چەندین جار هێز و توانای جەستەی خۆی باسکردووە هاوکات، گاڵتە بە جۆ بایدنی تەمەن 82 ساڵ سەرۆکی پێشووی ئەمریکا کردووە  و ئاماژەی بەوەکردووە لە ڕووی دەروونییەوە گونجاو نییە بۆ پۆستی سەرۆکایەتیی، ترەمپیش لەگەڵ کۆتاییهاتنی خولی سەرۆکایەتییەکەی تەمەنی دەبێتە 82 ساڵ.