بەبۆنەی ڕەمەزانەوە لە زاخۆ داشكاندن لە بواری تەندروستی دەكرێت

ئاڤا نیوز

 بۆ پێشوازی کردن لە مانگی ڕەمەزان، تەندروستی زاخۆ داشکاندن  لە کەلوپەلە پزیشکیەکان و بلیتی پزیشکان دەکات.

‎‎لێدوانی فەرمی: د.سیروان ئەحمەد، بەرێوەبەری گشتی تەندروستی زاخۆ لە کۆنگرەیەکی ڕۆژنامەوانیدا ڕایگەیاند: بڕیارمان داوە داشکاندن بکەین لە نرخی بلیتەکانی پزیشکان، کە نرخی هەر بلیتێک دەبێتە 10 هەزار دینار.

‎زانیاریی زیاتر: داشکاندن لە نرخی تاقیگەکاندا بە ڕێژەی 25٪ دەکرێت، هەروەها داشکاندن لە نرخی تیشکدا بە ڕێژەی 30٪، دەرمانخانەکان بە ڕێژەی 10٪ داشکاندن، پزیشکی ددان بە ڕێژەی 20٪، کارە بچوکەکان وەک دوورینەوەی برین و دانانی دەرزی بە ڕێژەی 15٪ داشکاندن دەکرێت ، کارە گەورەکان لە نەخۆشخانە تایبەتەکان بە ڕێژەی 15٪ داشکاندن دەکرێت.

بۆچی گرنگە: داشکاندن لە بواری پزیشکی وادەکات هاونیشتیمانیان ئاسانتر و بەنرخێکی کەمتر دەستیان بە چارەسەرە پزیشکیەکان بگات.