شاندی حەماس بۆ دانووستان سەردانی قاهیرە دەکەن

ئاڤا نیوز

 

بەمەبەستی گفتگۆکردن لەسەر پێشهاتە نوێیەکانی غەززە و ڕێککارەکانی ڕاگرتنی شەڕەکە، بەرپرسانی حەماس لەگەڵ میسر تاوتوێی ئەم پرسە دەکەن.

 

چی ڕوودەدات: سەرکردە باڵاکانی بزووتنەوەی حەماس، ڕۆژی شەممە بەرەو قاهیرە دەڕۆن بۆ دانووستانەکانی ئاگربەستی غەززە لەگەڵ ناوبژیوانانی میسر.

 

زانیاریی بەدەستهاتوو: بەرپرسێکی باڵای بزووتنەوەی حەماس بە مەرجی ئەوەی ناوی ئاشکرا نەبێت ڕایگەیاند، هیوادارین کۆبوونەوەکە بەرەوپێشچوونی ڕاستەقینە بە ئاڕاستەی گەیشتن بە ڕێککەوتنێک بۆ کۆتاییهێنان بە شەڕ و ڕاگرتنی و هێرشە بەردەوامەکانی ئیسرائیل ڕابگرێت.

 

زانیاریی زیاتر: میسر یەکێکە لە نێوەندگیرانی ئاگربەستی غەززە، لەگەڵ هەر یەکە لە قەتەڕ و ئەمریکا ناوبژیوانی ئاگربەست دەکەن.

 

باکگراوند: لەساڵی 2023ـەوە شەڕ لە کەرتی غەززە هەیە، لە دوای ڕێککەوتنی هەر یەکە لە ئیسرائیل و حەماس بۆ ئاگربەست، دواجار لە 18-3-2025 ئاگربەست لە غەززە لە ئەنجامی هێرشەکانی ئیسرائیل بۆ سەر کەرتەکە پووچەڵکرایەوە، لایەنەکانیش داوای دووبارە کارکردن بەو ئاگربەستە دەکەن.