ئامادەکارییەکانی مووچەی مانگی چوار بەردەوامە

 

ئاڤا نیوز

ئامادەکارییەکان بۆ لیستی مووچەی مانگی چوار بەرەو کۆتایی دەچێت و دوای تەواو بوونی میزان موراجەعەی مانگی سێ، پێشبینی دەکرێت ئەم هەفتەیە کۆتایی بێت و لیست ئامادە بکرێت.

چیرۆکی سەرەکی: هەوڵەکان بۆ ئامادەکردنی لیستی مووچەی مانگی چوار بەردەوامن، لە هەفتەی ڕابردووەوە سیستمی پەیڕۆڵ کارا کراوە، لە ئێستادا کار لە سەر میزان موراجەعە و داهاتی ناوخۆ دەکرێت و پێشبینی دەکرێت ئەم هەفتەیە تەواو بێت.

زانیاریی بەدەستهاتوو: میزان موراجەعە خەریکە تەواو دەبێ و بەخێرایی پێداچوونەوەیەکی بۆ دەکرێت، هەر کاتێک تەواو بوو، ئەوکات دەردەکەوێت چەندە داهاتی ناوخۆ بنێردرێت بۆ بەغدا.

زانیاریی زیاتر: سەبارەت بە لسیتی مووچە، بەچری کاری تێدا دەکرێت بۆ ئەوەی لەدوای ناردنی داهاتی ناوخۆ، لیستی مووچەش بنێردرێت بۆ بەغدا، شاندێک دەچێت بۆ بەغدا بۆ ئەوەی هەرپرسیارێک یان تێبینییەک هەبێت ڕاستەوخۆ وەڵام بدەنەوە.