عێراقچی: گەڕی یەکەمی گفتوگۆکانی نێوان ئێمە و ئەمریکا ئەرێنی بووە

ئاڤا نیوز

 

عەباس عێراقچی، وەزیری دەرەوەی ئێران ڕایگەیاند، بڕیارە لە خولی داهاتوو گفتوگۆکان 'چوارچێوە گشتییەکانی ڕێککەوتنی دڵنیایی' تاوتوێی بکرێت. 

 

وێنە گەورەکە: ڕۆژی شەممە گەڕی یەکەمی گفتوگۆی و دانووستانی ناڕاستەوخۆ لە نێوان شاندی ئێران و ئەمریکا لە عومان بەڕێوەچوو، بڕیارە هەفتەی داهاتوو دووبارە دانووستان دەستپێبکاتەوە بەڵام ئەمجارەیان بەشێوازی ڕاستەوخۆ دەبێت.

 

لێدوانی فەرمی:  عەباس عێراقچی، وەزیری دەرەوەی ئێران ڕایگەیاند، بڕیارە گەڕی دووەمی دانووستان هەفتەی داهاتوو بێت و تەوەری سەرەکی گفتوگۆکان 'تاوتوێی چواچێوە گشتییەکانی ڕێککەوتنی دڵنیایی' دەبێت.

 

-    ئەگەر بتوانین لە کۆبوونەوەی داهاتوو بنەما سەرەکییەکان یەکلابکەینەوە، ئەوا ڕێگەیەکی باشمان بڕیوە و دەتوانین گفتوگۆی ڕاستەقینە دەست پێبکەین.

-    هەردوولا دەمانەوێت لە ماوەیەکی کەمدا بگەینە ڕێککەوتن، ئەمە ئاسان نییە بەڵام پێویستی بە ئیرادەی هەردوولایە. 
-    

زانیاریی زیاتر: عێراقچی لەبارەی گفتوگۆیان لەگەڵ ویتکۆڤ، نوێنەری ترەمپ بۆ کاروباری ڕۆژهەڵاتی ناوەڕاست باسی لەوە کردووە، تەنها سڵاوێکی ئاسایمان هەبووە لەکاتی جێهێشتنی شوێنی دانووستانی ناڕاستەوخۆمان لە عومان.