دوو چەکداری داعش لە کەرکووک دەستگیرکران

ئاڤا نیوز

شانەی ڕاگەیاندنی ئەمنیی عێراق، دەستگیرکردنی دوو چەکداری داعش و لە نێو بردنی چەند حەشارگەیەکی داعشی لە دوو پارێزگای عێراق ڕاگەیاند.

ڕاگەیێنراوی فەرمی: ئەمڕۆ دووشەممە، شانەی ڕاگەیاندنی ئەمنی عێراق لەچەند ئۆپەراسیۆنێکێکدا ژمارەیەک داواکراویان دەستگیرکرد، کە یەکێکیان وەک بەرپرسی دارایی لە نێوان سەرکردەکانی داعش لە پارێزگای کەرکووک کاریکردووە.

زانیاریی زیاتر: لە چوارچێوەی ئۆپەراسیۆنەکانی پشکنین و پاککردنەوەی هێلانە و تونێلەکانی تیرۆریستان، 14 حەشارگەی داعش تێکدران، هەروەها چەندین بۆمبی هاوەن و بۆمبی دروستکراوی ماڵەوە لە پارێزگاکانی دیالە و کەرکووک لەنێو براون.

بۆچی گرنگە: بەپاساوی لاوازبوونی داعش، پەرلەمانی عێراق و لایەنە عێراقییە شیعەکان داوا دەکەن سوپای ئەمریکا و هاوپەیمانان عێراق جێبهێڵن، بەڵام ئەو ئۆپەراسیۆنانە دەریدەخات کە هێشتا داعش لە عێراق چالاکە.