ئەمریکا: ئەگەر ئێران دانوستان نەکات بە توندی لێیدەدەین

ئاڤا نیوز

ئەمریکا هیوادارە لە ڕێگەی گفتوگۆی دیپلۆماسییەوە ڕێگری بکات لە پەرەپێدانی چەکی ئەتۆمی لەلایەن ئێرانەوە، وەزیری بەرگری ئەو وڵاتەش دەڵێت، ئەگەر شکست بهێنن لە دانوستانەکان ئەوا سوپای ئەمریکا ئامادەیە بە توندی لە قوڵایی خاکی ئێران بدات.

وێنە گەورەکە: دیپلۆماتکارانی ئەمریکا و ئێران ڕۆژی شەممە لە عومان دانوستانی ناڕاستەوخۆیان بۆ کەمکردنەوەی نیگەرانییەکانی ڕۆژئاوا سەبارەت بە بەرنامە ئەتۆمییەکەی ئێران دەستپێکرد و بڕیارە هەفتەی داهاتووش گەڕی دووەمی گفتوگۆکانی نێوانیان دەستپێبکاتەوە.

لێدوانی فەرمی: پیت هێگسێت، وەزیری بەرگری ئەمریکا ڕایگەیاند، هیوادارین بە ڕێگەچارەیەکی دیپلۆماسی ڕێگری لە پەرەپێدانی چەکی ئەتۆمی ئێران بکەن و ئەگەر ئەو کارە شکستی هێنا، ئەوا سوپای ئەمریکا ئامادەیە بە توندی لە قوڵایی ئێران بدات.