بەریتانیا داوای ڕاگرتنی بۆردوومانی سەر نەخۆشخانەکان لە ئیسرائیل دەکات

ئاڤا نیوز

دوای هێرشەکانی ئەمڕۆی سوپای ئیسرائیل، وەزیری دەرەوەی بەریتانیا داوا دەکات بۆردوومانکردنی نەخۆشخانەکانی کەرتی غەززە ڕابگیرێت.

چیرۆکی سەرەکی: لە چوارچێوەی بەردەوامی جەنگ و هێرشەکانی ئیسرائیل بۆ سەر کەرتی غەززە و لەناوبردنی بنکەکانی تەندروستی و نەخۆشخانەکان، ئیسرائیل ئەمڕۆ هەردوو نەخۆشخانەی "مەعمەدانی و ئەهلی" بۆردوومان کرد و لە ئێستادا هیچ شوێنەوارێک لە نەخۆشخانەکان نەماوەتەوە و بریندارەکان لە سەر شەقامەکان چارەسەر دەکرێن.

لێدوانی فەرمی: دەیڤد لامی، وەزیری دەرەوەی بەریتانیا لە پلاتفۆرمی ئێکس داوای لە ئیسرائیل کرد بۆردوومانەکانی بۆسەر نەخۆشخانە و ناوچەکانی نیشتەجێبوون ڕابگرێت و ڕایگەیاند: "ئەم هێرشانە دەبێت ڕابگیرێن، دیپلۆماسی ئاشتی هەمیشەیی بەدی دێنێت نەک خوێنڕشتنی زیاتر."

ئەوەی پێویستە بیزانیت: هێرشی ئەمڕۆی ئیسرائیل بۆ سەر نەخۆشخانەی مەعمەدانی بە دووەم هێرش دادەنرێت بۆ سەر هەمان نەخۆشخانە، لە 2023-10-17،  بە هۆی هێرشی ئیسرائیل بۆ سەر نەخۆشخانەکە 471  هاووڵاتیی و پزیشکی نەخۆشخانەکە کوژران و سەدانی دیکەش برینداربوون.