پەرلەمان کارنامەی دانیشتنی ڕۆژی سێشەممە ئاشکرا دەکات

ئاڤا نیوز

پەرلەمانی عێراق ڕۆژی سێشەممە دەنگ لەسەر هەردوو پرۆژەیاسا سەندیکای پرۆگرامسازان و تەندروستی دەروونی دەدات و خوێندنەوەش بۆ چوار پرۆژەیاسای دیکە دەکات.

 

ڕاگەیێنراوی فەرمی: بەگوێرەی ڕاگەیێنراوی نووسینگەی ڕاگەیاندنی پەرلەمان عێراق، ڕۆژی سێشەممە 15ـی نیسان دانیشتنی پەرلەمان لە کاتژمێری 1ـی دوای نیوەڕۆ بەڕێوەدەچێت.

 

کارنامەی دانیشتنەکە بەمشێوەیەی خوارەوەیە:

- دەنگدان لەسەر پێشنیازە یاسای سەندیکای پرۆگرامسازانی عێراق
- دەنگدان لەسەر پڕۆژەیاسای تەندروستی دەروونی
- خوێندنەوەی یەکەم بۆ پرۆژەیاسای پەسندکردنی ڕێککەوتننامەی نەتەوەیەکگرتووەکان لەلایەن عێراقەوە لەبارەی ڕێککەوتنە نێودەوڵەتییەکان کە لە ئەنجامی نێوەندگیرییەوە دروست دەبن.
- خوێندنەوەی یەکەم بۆ پێشنیازە یاسای یەکێتی نەخۆشخانە تایبەتەکان
- خوێندنەوەی دووەم بۆ پرۆژەیاسای بەشداربوونی کۆماری عێراق لە ڕێککەوتنی هەمواری یاسای ڕێککەوتننامەی پاراستنی ماددی لە ماددە ئەتۆمییەکان
- خوێندنەوەی دووەم بۆ پێشنیازەیاسای هەمواری یەکەمی یاسای دەستە نیشتمانییەکانی چاودێری ئەتۆمی، تیشکدانەوە، کیمیایی و بایۆلۆجی.