فایلی خەڵک؛ ئاڤا بەدواداچوون بۆ پێوەری زیرەکی کارەبای گەڕەکێک دەکات

ئاڤا نیوز

زیاتر لە 10 ماڵ لە گەڕەکی "هیران ستی یەک" لە شاری هەولێر پێوەری زیرەکیان نییە و كارەبایان هەر بە پێوە كۆنەكە هەژمار دەكرێت.


وێنە گەورەکە: دوو ساڵە پڕۆژەی پێوەری زیرەك لە گەڕەكەكە جێبەجێ كراوە، بەڵام تاوەكو ئێستا بەشێك لە ماڵەكانی ئەو گەڕەكە لەو جۆرە پێوەرە بێبەشن و كارەبایان هەر بە پێوە كۆنەكە هەژمار دەكرێت، بەو هۆیەوە نە پسولەیان لێوەردەگیرێت و نە پارەشیان لێ وەردەگیرێت.

لێدوانی فەرمی: بەختیار قاسم، بەڕێوەبەری كارەبای هەولێر دەڵێت: هەر بە تەنیا ئەو ماڵانە نین، بەڵكو لە زۆر گەڕەك و گوند هێشتا كار بە پێوەرە كۆنەكە دەكرێت و هەمان گرفتیان هەیە.

- چارەسەر تەنیا ئەوەیە كە  لەگەڵ گەیشتنی پڕۆژەی كارەبای 24 كاتژمێری بەم زووانە بە یەكجاری پێوەری زیرەكیان بۆ دەبەسترێت و كۆتایی بە گرفتەكە دێت.