ئیسرائیل ئاگربەستێکی 45 ڕۆژە بەرامبەر ئازادکردنی نیوەی بارمتەکان پێشنیاز دەکات

ئاڤا نیوز

 

لە بەرامبەر ئازادکردنی نیوەی بارمتەکان، ئیسرائیل ئاگربەستێکی 45 ڕۆژە بۆ میسر پێشنیاز دەکات و حەماسیش دەڵێت، تاوتوێی پێشنیازەکە دەکەین.

 

زانیاریی بەدەستهاتوو: ئیسرائیل دوایین پێشنیازی خۆی بۆ هەردوو وڵاتی نێوەندگیری دانووستاندنەکان، میسر و قەتەر ئاشکراکردووە؛ ئیسرائیل داوای ئاگربەستێکی کاتی بۆ ماوەی 45 ڕۆژ کردووە لە بەرامبەردا حەماس 11 بارمتە ئازاد بکات، هاوکات ئیسرائیل داوای کردووە، حەماس چەک دابنێت.

 

لێدوانی فەرمی: سامی ئەبو زوهری، بەرپرسی باڵای بزووتنەوەی حەماس ڕاگەیاندووە،'' ئێمە خوێندنەوە بۆ پێشنیازەکە دەکەین و هەوڵدەدەین بە زووترین کات وەڵامی پێشنیازەکە بدەینەوە."

 

ئەوەی لەبارەیەوە دەگوترێت: لەبارەی داواکاریی ئیسرائیل بۆ چەکدانان، بەرپرسانی بزووتنەوەی حەماس دەڵێن، ''هیچ داواکارییەک بۆ داماڵینی چەک قبووڵ ناکەین، چەک بۆ دانووستاندن نییە.''