وه‌زیری‌ نه‌وتی‌ عێراق: له‌ گفتوگۆداین بۆ هه‌نارده‌كردنه‌وه‌ی‌ نه‌وتی‌ کوردستان

ئاڤا نیوز

وەزیری نەوتی عێراق ڕایدەگەیەنێت، له‌ گفتوگۆداین بۆ هه‌نارده‌كردنه‌وه‌ی‌ نه‌وتی‌ هه‌رێمی‌ كوردستان. ڕوونیشیکردەوە. ده‌ستپێكردنه‌وه‌ی‌ هه‌نارده‌ی‌ نه‌وتی کوردستان  زیادبوونی‌ داهاتی‌ عێراقی لێدەکەوێتەوە.

لێدوانی فەرمی: حەیان عەبدولغەنی، وەزیری نەوتی عێراق، ئەمڕۆ چوارشەممە 16-4-2025 له‌ پانێڵی دیداری سلێمانی ڕایگه‌یاند: ئێستا هەرێمی کوردستان ڕۆژانە 280 هەزار بەرمیل نەوت بەرهەم دەهێنێت.

- گفتوگۆی بەردەوام لەنێوان هەولێر و بەغدا و کۆمپانیاکانی بەرهەهێنانی نەوت لە هەرێمی کوردستان هەیە بۆ بۆ بەگەڕخستنەوەی بۆڕیی نەوتی بەندەری جەیهان و دووبارە هه‌ناركرده‌كردنه‌وه‌ی‌ نه‌وتی‌ کوردستان.

- ده‌زانین تێچووی‌ به‌رهه‌مهێنانی‌ نه‌وتی‌ هه‌رێمی‌ كوردستان به‌هۆی‌ جوگرافیاكه‌یه‌وه لە 16 دۆلار بۆ هەر بەرمیلێک زیاترە.

- له‌ بودجه‌دا 400 هه‌زار به‌رمیل نه‌وت دیاریكراوه‌ كه‌ ده‌بێت هه‌رێمی کوردستان به‌رهه‌می‌ بهێنێت و ئێستاش هه‌رێمی‌ كوردستان ڕۆژانه‌‌ 280 هه‌زار به‌رمیل نه‌وت به‌رهه‌م ده‌هێنێت.

- هیوادارین بۆ ده‌ستپێكردنه‌وه‌ی‌ هه‌نارده‌ی‌ نه‌وتی‌ هه‌رێمی‌ كوردستان بگه‌ینه‌ ڕێككه‌وتن، چونکە ده‌ستپێكردنه‌وه‌ی‌ هه‌نارده‌ی‌ نه‌وت ده‌بێته‌ هۆی‌ زیادبوونی‌ داهاتی‌ عێراق.

بۆچی گرنگە: ئەو لێدوانەی وەزیری نەوتی عێراق لەکاتێکدایە، هەنگاوەکانی هەناردەکردنەوەی نەوتی هەرێمی کوردستان خێراتر بووە و تەنیا چەند بەربەستێکی تەکنیکی ماون.