کۆبوونەوەی شاندی دەم پارتی و وەزیری دادی تورکیا دوادەخرێت

ئاڤا نیوز

 

بە بڕیاری یڵماز تەنج، وەزیری دادی تورکیا کۆبوونەوەی شاندی دەم پارتی لەگەڵ وەزارەتی داد دواخرا، ئەمەش بەهۆی تێکچوونی دۆخی تەندروستی سڕی سورەیا ئۆندار، پەرلەمانتاری دەم پارتی کە ماوەی 24 کاتژمێرە لە ژێر چاودێری چڕدایە.

 

چیرۆکی سەرەکی: بڕیار وابوو ڕۆژی هەینی18-4 کاتژمێر2ی دوای نیوەڕۆ ، شاندی ئیمرالی بە سەرۆکایەتیی سڕی سورەیا، ئۆندار و پەروین بوڵدان لەگەڵ یڵماز تونج، وەزیری داد کۆببنەوە، بۆ ئەوەی داوکاریی ڕێگەپێدان بۆ چاوپێکەوتنی عەبدوڵڵا ئۆجەلان، ڕێبەری زیندانیکراویی پەکەکە پێشکەش بە وەزارەت بکەن، بۆ ئەوەی ناوەڕۆکی کۆبوونەوەکەیان لەگەڵ ڕەجەب تەیب ئەردۆغان، سەرۆککۆماری تورکیا بە ئیمرالی بگەیەنن.

 

لێدوانی فەرمی: وەزیری دادی تورکیا لەوبارەیەوە ڕایگەیاند، تەندروستی بەڕێز ئۆندار بۆ ئێمە گرینگترە، سەرەتا با ئەو چاک بێتەوە، دواتر درێژە بە پرۆسەی چارەسەری ئاشتیی دەدەین.

 

چی ڕوویدا؟، سڕی سورەیا ئۆندار، ماوەی دوو ڕۆژە لە نەخۆشخانە خەوێندراوە، دوای 12 کاتژمێر نەشتەرگەری لە ژووری چاودێری چڕدا ماوەتەوە و شەڕی مانەوە لە ژیان دەکات. پزیشکەکان دەڵێن: هێشتا لەژێر ئامێر لێدانی دڵی کاردەکات، بەڵام چەند جارێک کاردانەوەی هەبووە بە تایبەت کاتێک کچەکەی لە نەخۆشخانە سەردانی کردووە.

 

زانیاریی زیاتر: ئێستا پزیشکی تایبەتی سەرۆککۆماری تورکیا لە نزیکەوە چاوەدێری دۆخی تەندروستیی سڕی سورەیا دەکات.