ئەمریکا: دۆخی سووریا مەترسیدارە

 

ئاڤا نیوز

وەزارەتی دەرەوەی ئەمریکا هۆشداری دەدات کە ئەگەری هەیە هێرشبکرێتە سەر چەند شوێنێکی سووریا  و داوا لە هاووڵاتییانی دەکات لەو وڵاتە نەمێنن و سەردانی نەکەن.

وێنە گەورەکە: ئەمریکا هەنگاوەکانی بۆ کشانەوەی هێزەکانی لە سووریا دەستپێکردووە، لەکاتێکدا هێشتا مەترسی سەرهەڵدانەوەی داعش هەیە.

ڕاگەیێنراوی فەرمی: باڵیۆزخانەی ئەمریکا لە سووریا ڕاگەیێنراوێکی بۆ هاووڵاتییانی ئەمریکا بڵاوکردووەتەوە و تێیدا هاتووە، بەهۆی مەترسییە بەرچاوەکانی تیرۆر، نائارامی ناوچەکە، ڕفاندنی هاوڵاتیان و ڕووبەڕووبوونەوەی چەکداری داوا دەکەین سەردانی سووریا نەکەن، ئەگەر لەو وڵاتەشن بەخێرایی بەجێی بهێڵن.

٠ گرووپە چەکدارەکان هەوڵدەدەن، بە بۆمب هێرش بکەنە سەر شوێنە قەرەباڵغەکانی سووریا.

٠ لەو شوێنانەی کە گەشتیاری زۆر سەردانی دەکەن ئاگاداربن.

٠ بەردەوام با مۆبایلەکانتان ئۆنلاین بێت.

٠ وریابن، لە نزیکەوە چاودێری هەواڵەکانی تایبەت بە دۆخی سووریا بکەن.

باکگراوند: لە ساڵی 2012ـەوە، ئەمریکا کارەکانی لە باڵیۆزخانەکەی دیمەشق ڕاگرتووە، بەڵام لەکاتی زۆر پێویستدا هاوڵاتیانی ئەمریکی دەتوانن لە ڕێگەی باڵیۆزخانەی چیکەوە لە دیمەشق مامەڵەکانیان بۆ ڕێکبخرێت.