لە ماوەی 24 کاتژمێردا 64 فەڵەستینی کوژراون

ئاڤا نیوز

 

تا دێت هێرشە ئاسمانییەکانی سوپای ئیسرائیل بۆسەر کەرتی غەززە زیاتر دەبن، لە دوێنێ هەینییەوە تا بەرەبەیانی ئەمڕۆ، 64 کەس کوژران لەو کەرتە کوژراون.

 

وێنە گەورەکە: لە بەرەبەیانی ڕۆژی هەینییەوە 18-4-2025، تا بەرەبەیانی شەممە ئەمڕۆ بەهۆی بەرفراوانی هێرشە ئاسمانییەکانی سوپای ئیسرائیل بۆسەر ئەو کەرتە، 64 هاووڵاتیی فەڵەستینی کوژران و دەیان کەسی دیکەش برینداربوون، ئەمە جگە لە بێسەروشوێن بوونی چەندین کەسی دیکەش.

 

ڕاگەیێنراوی فەرمی: سەرچاوە پزیشکییەکان لە کەرتی غەززە ڕایانگەیاندووە: بەهۆی چڕی و بەرفراوانی هێرشەکانی ئیسرائیل بۆسەر غەززە 64 کەس کوژراون کە زۆربەیان منداڵن، هاوکات ئەوەشیان ڕوونکردووەتەوە، سوپای ئیسرائیل جگە لە هێرشەکان سیاسەتی برسی کردنیش دژی هاووڵاتیانی غەززە بەکاردەهێنێت و ڕێگە بە چوونە ناوەوەی هیچ هاوکارییەکی مرۆیی نادات.

لەلایەکی دیکەوە: سوپای ئیسرائیل ڕایگەیاند، لە هێرشە ئاسمانییەکان بۆسەر کەرتی غەززە نزیکەی 40 شوێنی چەکدارانمان بۆردومان کردووە کە پێکهاتووە لە باڵەخانە سەربازییەکان و کۆگاکانی بزووتنەوەی حەماس.