نەتانیاهۆ: ئیسرائیل لە قۆناغێکی یەکلاکەرەوەی شەڕە لە کەرتی غەززە

ئاڤا نیوز 

ئیسرائیل نایەوێت کۆتایی بە جەنگ بهێنێت تا ئەوکاتەی حەماس لە غەززە لەناونەبات و سەرۆک وەزیرانیش دەڵێت، دەبێت دڵنیابن لەوەی چیتر غەززە مەترسی لەسەر ئیسرائیل دروست نەکات.

وێنە گەورەکە: حەماس دەیەوێت ئیسرائیل لەبەرامبەر ئازادکردنی بارمتەکانی بە ئاگربەستی هەمیشەیی ڕازی ببێت، بەڵام ئەو وڵاتە ڕەتیدەکاتەوە ڕێگە بدات لەداهاتوودا حەماس دەسەڵاتی لە کەرتی غەززەدا هەبێت.

لێدوانی فەرمی: بنیامین نەتانیاهۆ، سەرۆککوەزیرانی ئیسرائیل ڕایگەیاند: دەتوانین بە بێ تەسلیم بوون بە مەرجەکانی حەماس بارمتەکان بهێنینەوە بۆ ئیسرائیل و لە قۆناغێکی گرنگی هەڵمەتەکەمانداین بۆ بەدەستهێنانی ئامانجەکانمان و لەم کاتەدا پێویستمان بە سەبر و ئیرادە هەیە بۆ ئەوەی سەرکەوتن بەدەستبهێنین.

زانیاریی زیاتر: لەبارەی ئێرانەوە، نەتەنیاهۆ وتی، ئیسرائیل پابەندە بە ڕێگریکردن لەوەی ئێران نەبێتە خاوەنی چەکی ئەتۆم و جەختیکردەوە دەستبەرداری ئەو بیرۆکەیە نابێت و سازشی لەسەر ناکات.