تیمێکی شەهیدان و ئەنفالکراوان و تەندروستی کۆیە سەردانی بەغدا دەکەن

ئاڤا نیوز

بڕیارە سبەی تیمێکی کاروباری شەهیدان و ئەنفالکراوان و تەندروستی کۆیە، لە پاڵ کەسوکاری شەهیدان سەردانی بەغدا دەکەن و دیداریان لەگەڵ فەرمانگەی هەڵدانەوەی گۆڕە بەکۆمەڵەکان دەبێت.

وێنە گەورەکە: مانگی 12ـی ساڵی ڕابردوو و مانگی دووی ئەمساڵ بە دوو گەڕ سامپڵی کەسوکاری شەهیدان و ئەفالکراوان وەرگیرا بەمەبەستی لێکۆڵینەوە و دڵنیابوونەوە لە هاوتایی ئەو سامپڵانە لەگەڵ ئەو ڕووفاتانەی دۆزراونەتەوە و کاریان لەسەر دەکرێت.

لێدوانی فەرمی: تاڤگە حەمەساڵح، بەڕێوەبەری کاروباری شەهیدان و ئەنفالکراوانی کۆیە بە ئاڤای گوت، "لە سەردانەکە لەگەڵ فەرمانگەی هەڵدانەوەی گۆڕە بەکۆمەڵەکان کۆدەبینەوە، دواتر دەچینە سەماوە و نوگرە سەلمان بۆ دڵنیابوونەوە لە پارێزراوەی ئەو ڕووفاتانەی کە دۆزراونەتەوە و کاریان لێدەکرێت."

- ئامانجەکە ئەوەیە بەزووترین کات ئەو ڕووفاتانە بگەڕێنرێنەوە کوردستان.