زێلێنسکی ڕەخنە لە ئاگربەستەکەی پووتین دەگرێت

ئاڤا نیوز

 

ڕووسیا ئاگربەستێکی 30 کاتژمێری لەگەڵ ئۆکراینا ڕاگەیاند، ئۆکرایناش دەیەوێت ئاگربەستەکە درێژبکرێتەوە.

 

چی ڕوودەدات: كۆشكی كرێملین، ئاگربه‌ستێكی كاتیی له‌گه‌ڵ ئۆكراینا بۆ ماوەی 30 کاتژمێر ڕاگه‌یاند، ئاگربه‌سته‌كه‌ تایبه‌ته‌ به‌ بۆنه‌ی جەژنی ئیستەر 'ڕابوون'، لای خۆیەوەش ئۆکراینا ڕەخنە لەم بڕیارە دەگرێت و  دەڵێت: هێرشەکانی مۆسکۆ بۆ سەر کیێڤ بەردەوامن.

 

ڕاگەیێنراوی فەرمی: ڤۆلۆدیمیر زێلێنسکی، سەرۆکی ئۆکراینا لەبارەی ڕاگەیاندنی ئاگربەستی کاتیی لەلایەن پووتینەوە ڕایگەیاند، ڕووسیا یاری بە ژیانی مرۆڤەکان دەکات، ئەگەر ڕووسیا بە ڕاستی نیازی وایە جەنگەکە ڕابگرێت، ئەوە ئەوانیش پابەندی ئاگربەستەکە دەبن، هاوکات داواش دەکات ماوەی ئاگربەستی ڕووسیا زیاتر لەو کاتەی دیاری کراوە درێژ بکرێتەوە.

 

زانیاریی بەدەستهاتوو: ئەندری سیبیها، وەزیری دەرەوەی ئۆکراینا دەڵێت، هەڵوێستی ئۆکراینا ڕوونە بەپێشنیازی ئەمریکا ڕازیبووە، ڕووسیا لە بری 30 ڕۆژ تەنیا 30 کاتژمێر ئاگربەستی ڕاگەیاند، پێویستە ڕووسیا بە کردار بیسەلمێنێت و جەنگەکە بوەستێنێت.