شاندێکی تەکنیکی بە لیستی مووچەی مانگی چوارەوە بەرەو بەغدا بەڕێکەوت

ئاڤا نیوز

میزان موراجەعەی مانگی سێ نێردراوە، ئێوارەی ئەمڕۆش شاندێکی تەکنیکی بەرەو بەغدا بەڕێکەوتوون و لیستی مووچەی مانگی چواریان لەگەڵ خۆیان بردووە.

چیرۆکی سەرەکی: ئێوارەی ئەمڕۆ دووشەممە، شاندێکی تەکنیکی وەزارەتی دارایی کوردستان بە لیستی مووچەی مانگی چوارەوە بەرەو بەغدا بەڕێکەوتوون، سبەی سێشەممە لیستەکە ڕادەستی وەزارەتی دارایی عێراق دەکەن بۆ وردبینیکردن. 

لێدوانی فەرمی: سەرچاوەیەک لە وەزارەتی دارایی بە ئاڤا میدیای ڕاگەیاند، ئێوارەی ئەمڕۆ شاندێکی تەکنیکی بەرەو بەغدا بەڕێکەوتوون و لیستی مووچەی مانگی چواریان لەگەڵ خۆیان بردووە، شاندەكە پێكهاتوون لە هەریەك لە بەڕێوەبەری گشتیی ژمێریاری و بەڕێوەبەری گشتیی بودجە و سبەی سێشەمە چەند ئەندامێکی تریش دەگەنە بەغدا.

لە لایەکی دیکەوە: داهاتی ناوخۆ وەک پێشتر ئاڤا بڵاوی کردبووەوە نزیکەی 49 ملیار دینارە و سبەی سێشەممە ڕادەستی  لقی هەولێری بانقی ناوەندی عێراق دەکرێت.

ئەوەی پێویستە بیزانیت: لە سبەی سێشەممەوە وردبینیکردن لە لیستی مووچە لە بەغدا دەست پێدەکات، وەزارەتی دارایی عێراق هەر پرسیار و سەرنجێکی هەبێت لەگەڵ شاندی کوردستان گفتوگۆی لەسەر دەکەن.

ئەمەش بزانە: وەک پێشتر ئاڤا بڵاوی کردەوە، وەزارەتی دارایی خانوویەکی لە بەغدا بە کرێ گرتووە بۆ ئەوەی شاندەکە لێی بمێنێتەوە، ئۆتۆمبێلێکیشیان بۆ شاندەکە کڕیوە بۆ ئەوەی ئەو ماوەیەی لەوێ دەمێننەوە بەکاری بهێنن، شاندەکەش ناگەڕێنەوە هەتا پارەی مووچە نەنێردرێت.