ژیانی سڕی سورەیا ئۆندەر لە مەترسیدایە

ئاڤا نیوز

پزیشکەکانی سڕی سورەیا ئۆندەر، پەرلەمانتاری دەم پارتی دوایین زانیاریان لەسەر دۆخی تەندروستی ناودار بڵاوکردەوە و دەڵێن، کاردانەوەی بۆ چارەسەرییەکان بەگوێرەی پێویست نییە، مەترسی لەسەر ژیانی زۆر بەرزە.

چیرۆکی سەرەکی: ئۆندەر ماوەی 6 رۆژە لە نەخۆشخانە چارەسەر وەردەگرێت، بەهۆی ئەوەی تەندروستی لە مەترسیدایە، لە ژووری چاودێری چڕ دەرنەهێنراوە و ڕۆژانە لەلایەن پزیشەکەکانەوە زانیاریی لەسەر پێشهاتەکانی دۆخی تەندروستی بڵاودەکرێتەوە.

لێدوانی فەرمی: پزیشەکەکان دەڵێن: "ئەمڕۆ بەشی لای ڕاستی دڵی دەستی بە گرژبوونەوە کردووە، لە کاتێکدا پێشووتر هیچ گرژبوونی نەبوو، ئەمەش کەمێک هیوا بەخشە، بەڵام واناکات ئۆندەر لە مەترسی ڕزگار بکات، لەبەر ئەوەی کارادنەوەی بۆ چارەسەرییەکان بەپێی پێویست نییە، دڵی لە ژێر ئامێر کاردەکات، مەترسی لەسەر ژیانی زۆر بەرزە، بەردەوام دەبین لەوەی بە دان بەخۆداگرتنەوە چاوەڕێی چاکبوونەوەی بکەین".

چی ڕوویدا: شەش ڕۆژ لەمەوبەر، سڕی سورەیا ئۆندەر، پەرلەمانتاری دەم پارتی بەهۆی پچڕانی دەماری دڵی تووشی جەڵتەی دڵ بوو، ماوەی 12 کاتژمێر گەورەترین و سەختترین جۆری نەشتەرگەری دڵی بۆ کرا، لەو ڕۆژەوە تاوەکو ئەمڕۆ چاوی نەکردووەتەوە و دۆخی تەندروستی مەترسی تێنەپەڕاندووە.