لیستی مووچەی مانگی چوار ڕادەستی وەزارەتی دارایی عێراق کرا

ئاڤا نیوز

 

وەزارەتی دارایی هەرێمی کوردستان بڵاویکردەوە، شاندێکی وەزارەت لە بەغدان و لیستی مووچەی مانگی چواریان ڕادەستی وەزارەتی دارایی حکومەتی فیدڕاڵ کردووە.

 

وێنە گەورەکە: وەزارەتی دارایی هەرێمی کوردستان هەوڵەکانی بۆ جێبەجێکردنی پابەندییەکانی خۆی بە ڕێککەوتنی لەگەڵ بەغدا بۆ خەرجکردنی مووچە چڕکردووەتەوە. دوای چەند ڕۆژێک کارکردن، لیستی مووچەی مانگی چوار و میزان موراجەعەی مانگی سێ ڕادەستی وەزارەتی دارایی عێڕاق کران.

 

ڕاگەیێنراوی فەرمی: وەزارەتی دارایی لە ڕاگەیێنراوێکدا ئاماژە بەوەدەدات، کە ڕۆژی سێشەممە لیستی مووچەی مانگی چواری فەرمانبەران و مووچەخۆرانی هەرێمی کوردستان لەلایەن تیمی تەکنیکی وەزارەتی دارایی و ئابووریی هەرێمی کوردستانەوە ڕادەستی فەرمانگەی ژمێریاری وەزارەتی دارایی حکومەتی فیدراڵ کرا.

 

لەلایکی دیکەوە: ڕۆژی یەکشەممە  ڕاپۆرتی تەرازووی پێداچوونەوەی مانگی سێ و و ڕاپۆرتی کۆتایی ساڵی 2024 لەلایەن بەڕێوبەرایەتیی گشتیی ژمێرکاریی وەزارەتی دارایی و ئابوورییەوە بۆ فەرمانگەی ژمێریاریی وەزارەتی دارایی حکومەتی فیدراڵ نێردراوە.