لێدوانێکی ترەمپ بەهای دۆلار دادەبەزێنێت و نرخی زێریش بەرز دەکاتەوە

ئاڤا نیوز

بەهۆی لێدوانێکی ترەمپ بەهای دۆلار لە بازاڕەکانی هەرێمی کوردستان و بازاڕە جیهانییەکان بەرامبەر بە دیناری عێراقی دابەزی و نرخی زێڕیش بەرزبوونەوەی زیاتری بەخۆوە بینی.

وێنە گەورەکە: ئەمڕۆ بەھای دیناری عێراقی بەرامبەر دۆلاری ئەمریکی لە بازاڕەکانی ھەرێمی کوردستان بەرزبووەوە و نرخی 100 دۆلار گەیشتە 145ھەزار و 900 دینار. هاوکات نرخی مسقاڵێک زێری عەیاری 21 گەیشتووەتە 720 ھەزار دینار.

ھۆکارەزانراوەکان: ئەمرۆ بەهۆی لێدوانێکی دۆناڵد ترەمپ، سەرۆکی ئەمریکا بەهای دۆلار دابەزی کە وتی: یەدەگی زێری ئەمریکا زیاترە لە هەشت ھەزار تۆن! دەڵێت ئەوەی زێری ھەبێت ھێز لەلای ئەوە! ئێستا ئەمریکا چوار ھێندەی چین یەدەگی زێری ھەیە.

- هۆکارێکی دیکە ئەوەیە کە ترەمپ فشار لە بانکی فیدراڵی دەکات بۆئەوەی ڕێژەی سوو دابەزێنێت، ئامانجی ئەوەیە کۆمپانیاکان قەرز بکەن و گەشانەوەی ئابووری ڕووبدات.

ئەوەی پێویستە بیزانیت: ترەمپ ئامانجیەتی بە مەبەست بەھای دۆلار دابەزێنێت بۆ ئەوەی شەڕی بازرگانی پێکات بەرامبەر بە چین.

زانیاریی زیاتر: ترەمپ نایەوێت دۆلار بەھێزبێت، لەبەر ئەوەی ئەگەر دۆلار بەھێزبێت خەڵک بە ئاسانی دەستی ناکەوێت، بەڵام کە لاواز بوو ھەرکەسێک بیەوێت دەتوانێت بیکڕێت. 

ئەمەش بزانە: ھەر ئەمە ھۆکاری بەرزبوونەوەی بەردەوامی نرخی زێر و لاوازبوونی بەھای دۆلارە بەرامبەر بە دراوەکانی وەک یۆرۆ و یەنی ژاپۆنی و تەنانەت دیناری عێراقیش.