کۆبوونەوەی لیژنە تەکنیکی و پسپۆڕییەکانی ئەمریکا و ئێران دواخرا

ئاڤا نیوز

کۆبوونەوەی ڕۆژی چوارشەممە، 23-4-2025ی نێوان ئێران و ئەمریکا بۆ ڕۆژی شەممە دواخرا.

وێنە گەورەکە: بڕیار بوو لیژنە تەکنیکی و پسپۆڕییەکانی دانوستانە ئەتۆمییەکانی ئێران و ئەمریکا ئەم کۆبوونەوەیە ئەنجام بدەن وەک ئامادەکارییەک بۆ گەڕی سێیەمی کۆبوونەوەکان کە بڕیار بوو شەممە بەڕێوە بچێت، بەڵام کۆبوونەوەکەی چوارشەممە بۆ شەممە دواخرا.

لێدوانی فەرمی: ئیسماعیل بەقایی، وتەبێژی وەزارەتی دەرەوەی ئێران ڕایگەیاند، دواخستنی کۆبوونەوەی لیژنە تەکنیکی و پسپۆڕییەکان لەسەر پێشنیازی عومانە کە نێوەندگیریی کۆبوونەوەکانی ئێران و ئەمریکا دەکات. 

ئەوەی پێویستە بیزانیت: بڕیار دراوە کۆبوونەوەکانی چوارشەممەش بخرێنە ڕۆژی شەممە، هاوکات لەگەڵ ئامادەبوونی سەرۆکەکانی هەردوو شاندی ئێران و ئەمریکا، ئەو کۆبوونەوەیەش بەڕێوە بچێت.