ڕووسیا پاسێکی کرێکارانی لە ئۆکراینا کردە ئامانج و نۆ کەس کوژران

ئاڤا نیوز

 

ڕووسیا لە ڕێگەی فڕۆکەی بێفڕۆکەوانەوە هێرشی کردە سەر پاسێكی گواستنەوەی کرێکاران لە ناوچەی دنیپرۆیترۆڤسکی ئۆکراینا، بەوهۆیەوە لانیکەم نۆ کەس کوژران و دەیان کەسی دیکەش بریندار بوون.

 

ڕاگەیێنراوی فەرمی: سێرگی لیساک پارێزگاری شاری مارگانێتی ئۆکراینا ڕایگەیاند، لە هێرشێکی ڕووسیادا نۆ کەس گیانیان لەدەستداوە و 30 کەسی دیکەش برینداربوون و ژمارەی بریندارەکانیش بەردەوام بەرزدەبنەوە.

 

لەلایەکی دیکە: هاوکات، بەرپرسانی ئۆکراینا ڕایانگەیاندووە، هەریەک لە ناوچەکانی کیێڤ، خارکیڤ، پۆلتاڤا و ئۆدێسا لەلایەن ڕووسیاوە بۆردوومان کراون و لە چەند ناوچەیەکیش ئاگرکەوتووەتەوە.