زانایەکی زەویناسیی تورکیا: هێشتا بوومەلەرزە گەورەکە ماوە ڕووبدات

ئاڤا نیوز

دوای ئەوەی هەشت بوومەلەرزە بەسەر یەکەوە لە ئیستەنبووڵ ڕوویدا، پرۆفیسۆرێکی زەویناسی تورکیا هۆشداری لە ڕوودانی بوومەلەرزەی گەورەتر دەدات و دەڵێت: هێشتا بوومەلەرزە گەورەکە ماوە ڕووبدات، ئەمجارە گوڕەکەی لە 7 پلە زیاتر دەبێت.

چیرۆکی سەرەکی: کاتژمێر 12.49ـی نیوەڕۆ، لە ماوەی کاتژمیرێکدا 8 بوومەلەرزە بەسەر یەکەوە شاری ئیستەنبووڵی هەژاند، سەنتەری بوومەلەرزەکە لە مەڕمەڕە بووە کە بە گوڕی 6.2 بوو، هەموو خەڵکی ناوچەکە و شارەکانی دەوروبەری هەستی پێکرد.

لێدوانی فەرمی: پرۆفیسۆر دکتۆر ناجی گۆرور دەڵێت: زۆر بوومەلەرزە لە دەریای مەڕمەڕە لە ئیستەنبووڵ ڕوودەدات، بە قەبارەی جیاوازن، ئەمانە ئەو بوومەلەرزە گەورانە نین کە چاوەڕێی دەکەین لە مەڕمەڕە، فشاری کەڵەکەبوو زیاددەکەن. بوومەلەرزەی ڕاستەقینە لێرە گەورەتر دەبێت و لە سەرووی پلەی حەوتەوە دەبێت".

"کاتێک بوومەلەرزە ڕوودەدات، ناتوانرێت باسی لێبکرێت. پێویستە خۆپارێزی بکەین، سەرەتا حکومەت، پاشان شارەوانی و خەڵک دەبێت دەست بە دەست کار بکەن بۆ ئەوەی شارەکە بۆ بوومەلەرزە ئامادە بکەن.

"گۆڕینی شار بە مانای دروستکردنی بینا و ئامادەکردنی شار بۆ بوومەلەرزە نییە. شارێکی بەرگری لە بوومەلەرزە بە تەواوی، شتێکی ترە. ئێستا پێویستە خەڵک ئەوەی پێویستە بیکات".