ترەمپ: دانوستانەکان لەگەڵ ئێران بە باشی بەڕێوە دەچن

ئاڤا نیوز

دۆناڵد ترەمپ، سەرۆکی ئەمریکا ڕایگەیاند، دانوستانە ئەتۆمییەکان لەگەڵ ئێران سەبارەت بە بەرنامەی ئەتۆمیی ئەو وڵاتە بە باشی بەڕێوەدەچن.

لێدوانی فەرمی: ترەمپ ڕایگەیاند، تەنیا دوو ڕێگە بۆ چارەسەری پرسی ئەتۆمیی ئێران هەن کە یەکێکیان دانوستانە و کاری لەسەر دەکەن و بە باشیش بەرەو پێشەوە دەچێت. بە ڕێگەی دانوستان ئەوەیە کە ئەمریکا دەیەوێت و لەم ڕێگەیەشەوە گیانی خەڵکێکی زۆر پارێزراو دەبێت.

ئەوەی پێویستە بیزانیت: لە ماوەی ڕابردوودا ئەمریکا و ئێران دوو جار، لە مەسقەت و لە ڕۆما، کۆبوونەتەوە و بڕیارە ڕۆژی شەممەی داهاتوو گەڕی سێیەمی کۆبوونەوەکانیان لە مەسقەتی پایتەختی عومان بەڕێوە بچێت.