لە یەمەن حەوت درۆنی ئەمریکی دەخرێنە خوارەوە

ئاڤا نیوز

بەرپرسانی سەربازیی ئەمریکا ڕایانگەیاند، لە ماوەی شەش هەفتەی ڕابردوودا حەوت درۆنی ئەمریکی لە جۆری 'ڕیپەر' بە بەهای زیاتر لە 210 ملیۆن دۆلار لە یەمەن خراونەتە خوارەوە.

ئەوەی پێویستە بیزانیت: درۆنەکان لە میانەی ئەنجامدانی ئەرکدابوون بۆ هێرش کردن یان بۆ دەستنیشانکردنی شوێنەکان لە ئاسمانی سەر ڕووی دەریاکان یان لە سەر وشکانی کە کەوتوونەتە خوارەوە. هەرچەندە هۆکاری سەرەکیی ئەمە بۆ هێرشی حووسییەکان دەگەڕێنرێتەوە، بەڵام لێکۆڵینەوە لە کەوتنەخوارەوەی درۆنەکان دەستیپێکردووە. 

ئەمەش بزانە: بە گوێرەی سەرچاوەکان سێ لەم درۆنانە لە ماوەی هەفتەی ڕابردوودا خراونەتە خوارەوە، ئەمەش بەڵگەیە لەسەر ئەوەی کە توانای حوسییەکان بۆ بەئامانجگرتنی درۆنەکان زیاتر بووە.