پزیشکەکەی ئۆندار: مانەوەی ئۆندار لە ژیان موعجیزەیە

ئاڤا نیوز

 

د. ئێرتان ساغباش، پزیشکەکەی سڕی سورەیا ئۆندار، گەیشتنی دۆخی تەندروستی ئۆندار بە ئەمڕۆ وەک موعجیزەک ناودەبات و دەڵێت: ئۆندار بەبێ ئەوەی هیچ دەرمانێکی خەوتن وەربگرێت، خەوتووە و هیچ خەبەری نابێتەوە.

 

چیرۆکی سەرەکی: ماوەی 10 ڕۆژە ئۆندار لە نەخۆشخانە خەوێندراوە و لە ژووری چاودێری چڕدایە، ڕۆژانە پزیشکەکان ڕاپۆرت لەسەر دۆخی تەندروستی ئۆندار دەدەن و دەڵێن: هێشتا قۆناغی مەترسی تێنەپەڕاندووە".

 

لێدوانی فەرمی: دکتۆر ئێرتان ساغباش، پزیشکەکەی ئۆندار ڕایگەیاند، ئۆندار بەبێ ئەوەی هیچ دەرمانێکی خەوتن وەربگرێت، خەوتووە و هیچ خەبەری نابێتەوە، ئینشاڵڵا هۆکاری ئەمە" ئەو ئەستووریە بێت کە لەسەری دروست بووە"، لەوانەیە ئۆکسجینی پێویست بە مێشکی نەگات، بەڵام ناتوانین لەم دۆخەدا هیچ ناوێک لەمە بنێین، گەیشتنی دۆخی تەندروستی ئۆندار بەوەی ئەمڕۆ تێدایە، موعجیزەیە، هەوڵ دەدەین ئەو موعجیزەیە بکەینە ڕاستی، هیوامان هەیە، بۆ ڕزگارکردنی ژیانی ئۆندار ئەگەرێکی کەمیشی هەبێت، ئێمە هیوامان هەیە".

 

چی ڕوودەدات: سڕی سورەیا ئۆندار، پەرلەمانتاری دەم پارتی لە 15ی نیسان تووشی پچرانی دەماری دڵ بوو، بۆ ماوەی 12 کاتژمێر نەشتەرگەری بۆ کرا، تاوەکو ئەمرۆ لە ژووری چاودێری چڕ دەرنەهێنراوە و چاوی نەکردووەتەوە، بەڵام پزیشکەکان هیوایان بە چاکبوونەوەی هەیە.