عێراق 220 هەزار تۆن گەنم وەک هاوکاری بۆ سووریا دەنێرێت

ئاڤا نیوز

 

یەکەم کاروانی هاوکاری حکومەتی عێراق دەگاتە سووریا و دەسەڵاتدارانی ئەو وڵاتەش ستایشی ئەو دەستپێشخەرییەی سوودانی دەکەن. 

 

وێنە گەورەکە: لەدوای ڕووخانی دەسەڵاتی بەشار ئەسەد، ئێران و ڕووسیا وەک دوو دابینکەری سەرەکی گەنم بۆ ئەو وڵاتە، هەموو جۆرە هاوکاریی  و هەناردەکردنی دانەوێڵەیان بۆ سووریا ڕاگرت.

 

لێدوانی فەرمی: حەسەن عوسمان، بەڕێوەبەری گشتیی دانەوێڵە لە سووریا ڕایگەیاند: عێراق 220 هەزار تۆن گەنم وەک هاوکاری ڕەوانەی سووریا دەکات، یەکەمین کاروانی ئەو دەسپێشخەرییەش لەڕێگەی دەروازەی ئەلبوکەمالەوە گەیشتە دێرەزوور.

 

زانیاریی زیاتر: بەڕێوەبەری گشتیی دانەوێڵە لە سووریا ئاماژەی بەوەکردووە، دوای وەرگرتنی هەر وەجبەیەک لەو گەنمە، ڕەوانەی سایلۆکان دەکرێت بەمەبەستی دابەشکردنی بەسەر ئەو ناوچانەی قەیرانی کەمی دانەوێڵەیان هەیە .