بانکی ناوەندی: بڕی پێدانی دۆلار بە گەشتیاران بەرز نەکراوەتەوە

ئاڤا نیوز

بانکی ناوەندیی عێراق ئاشکرای دەکات، پشکی گەشتیار لە دۆلار بەنرخی فەرمی حکومەت وەک خۆی ماوەتەوە هەموو ئەو نووسراو و دەنگۆیانەش باس لەبەرزبوونەوەی دەکەن ساختەن و لەڕاستییەوە دوورن. 

 

چیرۆکی سەرەکی: نووسراوێکی بانکی ناوەندی عێراق بڵاوبووتەوە کە واژۆی جێگری پارێزگای بانکی ناوەندی لەسەرە داوا لەسەرجەم بانک و کۆمپانیاکانی ئاڵوگۆری دراو دەکات پشکی گەشتیار لە دۆلار بەنرخی فەرمی حکومەت لە 3000 دۆلارەوە بۆ 5000 هەزار دۆلار بەرزبکەنەوە.

 

ڕاگەیێنراوی فەرمی: بانکی ناوەندیی عێراق لەبەیاننامەیەکدا ڕایگەیاند: پشکی گەشتیار تەنیا 3000 دۆلارە و هەموو ئەو نووسراو و دەنگۆیانەی بڵاوکراونەتەوە سەبارەت بەبەرزبوونەوەی بۆ 5000 هەزار دۆلار، ساختەن و دوورن لە ڕاستییەوە.

 

زانیاریی زیاتر: بەیاننامەکەی بانکی ناوەندی عێراق ئاماژەی بەوەشکرد، گەشتیار تەنیا لە رۆژی گەشتەکەیدا دەتوانێت لە فڕۆکەخانە ئەو بڕە دۆلارە وەربگرێت.