تورکیا پرسەنامەیەک ئاڕاستەی ئێران دەکات

ئاڤا نیوز

وەزارەتی دەرەوەی تورکیا بەهۆی ڕووداوی تەقینەوەکەی بەندەر عەباس لە ئێران، پرسەنامەیەک ئاڕاستەی ئێران دەکات و هاوخەمی وڵاتەکەی بۆ ئێران ڕادەگەیێنێت. 

 

چیرۆکی سەرەکی: دوێنێ شەممە، تەقینەوەیەکی گەورە لە ناوچەی بەندەر عەباس لە بەشی باشووری ئێران ڕوویدا، بەپێی دوایین ئامارەکان 18 کەس گیانیان لەدەستدا و 800کەسی دیکە برینداربوون. 

 

ڕاگەیێنراوی فەرمی: وەزارەتی دەرەوەی تورکیا ڕایگەیاند، بە قووڵی نیگەرانین بەهۆی ڕووداوی تەقینەوە بەهێزەکەی بەندەر عەباس کە بووە هۆی گیان لەدەستدان و برینداربوونی ژمارەیەک هاووڵاتی. 

 

پەیوەست بەم بابەتەوە: تورکیا سەرەخۆشی لە خێزانی ئەو کەسانەدا دەکات کە بەهۆی تەقینەوەکە گیانیان لەدەستدا و هیوای زوو چاک بوونەوە بۆ بریندارەکان دەخوازن.