میدیاکانی تورکیا: پەکەکە لە کۆتایی مانگی نیسان کۆنگرە دەبەستێت

ئاڤا نیوز

 

چەند ڕۆژێکە لە میدیاکانی تورکیا باس لەوە دەکرێت کە پەکەکە لە کۆتایی مانگی نیساندا کۆنگرەی خۆی دەبەستێت و خۆی هەڵدەوەشێنێتەوە، لەسەرەتای مانگی نیسان ئاڤا لە زاری پەرلەمانتاریکی دەم پارتییەوە ئەوەی بڵاوکردەوە کە تا 15-5 پەکەکە کۆنگرەی خۆی دەبەستێت و پرۆسەکە دەبرێتە پەرلەمانی تورکیا. 

 

بڵاوکراوەی فەرمی: ڕۆژنامەی سەباحی تورکی بڵاویکردووەتەوە، چاوەڕێ دەکرێت پەکەکە تاکۆتایی ئەم مانگە بڵاوکراوەیەک سەبارەت بە بەستنی کۆنگرە و خۆهەڵوەشاندنەوەی بڵاوبکاتەوە، دواتر قۆناغی ڕادەستکردنەوەی چەکەکانیان دەست پێدەکات. 

 

لەلایەکی دیکەوە: کەناڵی سی ئێن ئێن تورک باس لەوە دەکات کە ئەگەری هەیە تاکۆتایی مانگی نیسان، پەکەکە کۆنگرە ببەستێت و خۆی هەڵوەشێنێتەوە. 

- لە سەرەتای مانگی نیسان، محەممەد کەماچ، پەرلەمانتاری دەم پارتی ئەوەی بە ئاڤا ڕاگەیاند، تاوەکو 15-5 پەکەکە کۆنگرەی خۆی دەبەستێت و خۆی هەڵدەوەشینێتەوە، دواتریش دۆسیەی پرۆسەی ئاشتی دەبرێتە پەرلەمانی تورکیا. 

زانیاریی زیاتر: بەگوێرەی هەواڵی میدیاکانی تورکیا، پەکەکە چەکەکانیان دەگەیەننە ئەو خاڵانەی کە یەکینەکانی هەواڵگری لە عێراق و سووریا بڕیاری لەسەر دەدەن.

ئەمەش بزانە: سەرجەم چەکەکانی پەکەکە لە یەکینەکانی هەواڵگری عێراق، سووریا و تورکیا تۆمار دەکرێن،  لەبەر ئەوەی هەواڵگری تورکیا زانیاریی لەسەر ژمارەی چەکەکانی پەکەکە هەیە.