کۆریای باکوور ناردنی هێزی سەربازی بۆ ڕووسیا پشتڕاست دەکاتەوە

ئاڤا نیوز

 کۆریای باکوور بۆ یەکەمجار بە فەرمی ناردنی هێزی سەربازی بۆ ڕووسیا بۆ شەری دژی ئۆکراینا  پشتڕاست دەکاتەوە.

 

وێنە گەورەکە: دوای ئەوەی چەندین جار کۆریای باکوور ڕەتیکردەوە کە هێزی سەربازی بۆ ڕووسیا ناردبێت دواجار هەردوو وڵات بە فەرمی ڕایانگەیاند، کۆریای باکوور بۆ یارمەتی دانی سوپای ڕووسیا لە ئازادکردنی کورسک هێزی ڕەوانە کردووە و لە دژی ئۆکراینا شەر دەکەن.

 

ڕاگەیێنراوی فەرمی: ئاژانسی هەواڵی  فەرمی کۆریای باکوور ڕایگەیاند: هێزەکانی کۆریای باکوور بەشدارییەکی بەرچاویان لە ئازادکردنی ئەو خاکانەی ڕووسیا کە لەلایەن ئۆکراینا داگیرکراوە کردووە.

 

زانیاریی زیاتر: کۆریای باکوور پشتڕاستی کردەوە کە ئەو هێزانەی "بەپێی پەیماننامەی بەرگری هاوبەش لەگەڵ ڕووسیا و بە فەرمانی کیم جۆنگ ئون، سەرۆکی کۆریای باکوور جێگیر کردووە.

 

لەلایەکی دیکەوە: وەزارەتی دەرەوەی ئەمریکا لێدوانی لەسەر ئەم ڕاپۆرتانە دا و ڕایگەیاند: ئەمریکا  نیگەرانە لە تێوەگلانی ڕاستەوخۆی کۆریای باکوور لە شەڕی ڕووسیا دژی  ئۆکراینا.