سەرۆکی پەرلەمانی ئێران هۆشداریی دەداتە وڵاتانی دراوسێ

ئاڤا نیوز

 

محەممەد باقر قاڵیباف، سەرۆکی پەرلەمانی ئێران دەڵێت: ئێران وەک کۆگای بارووت وایە بە بچووکترین هێرش دەتەقێتەوە و وڵاتانی دراوسێش بەخۆیەوە دەسووتێنێت.

چیرۆکی سەرەکی: لەبەرامبەر ئەو گرژیی و ئاڵۆزییانەی لە نێوان ئێران و ئیسرائیلدا هەیە، سەرۆکی پەرلەمانی ئەو وڵاتە لە نوێترین پەیامدا بۆ بنیامین نەتەنیاهۆ ڕایگەیاند، یاریکردن لەگەڵ ئێران یاریکردنە بە ئاگر.  

لێدوانی فەرمی: محەممەد باقر قاڵیباف، سەرۆکی پەرلەمانی ئێران ڕایگەیاند، هەر دەستدرێژییەک بۆ سەر ئێران ئاگربەردانە لە کۆگای بارووت کە وڵاتانی دراوسێش بەخۆیەوە دەسوتێنێت و ئەوانیش باجی ئەو کردەوەکانی ئیسرائیل دەدەنەوە. 

- هەموو ئەو بنکە و بارەگایانەی ئەمریکا کە لەناوچەکە هەن لە دەکەونە چوارچێوەی وەڵامدانەوەی ئێران بۆ ئیسرائیل. 

لەلایەکی دیکەوە: ئەم قسانەی سەرۆک پەرلەمانی ئێران لەکاتێکدایە کە پێشتر سەرۆکوەزیرانی ئیسرائیل ڕایگەیاندبوو، پێویستە ژێرخانی ئەتۆمی ئێران لەناو ببەین، پێش ئەوەی ئەو وڵاتە ببێتە خاوەنی چەکی ئەتۆمی.