بەڕازیلی بە شێوازێکی نوێ دەگەڕێتەوە بۆ عێراق

ئاڤا نیوز

 

بەمەبەستی دووبارە هاوردەکردنەوەی جۆرێکی ئۆتۆمبێلی کۆمپانیای ڤۆڵکسواگن کە بە "بەڕازیلی" ناسراوە، شاندێکی وەزارەتی بازرگانی عێراق سەردانی کۆمپانیاکە دەکات. 

 

چیرۆکی سەرەکی: لە ساڵی هەشتاکانی سەدەی ڕابردو، عێراق گرێبەستی لەگەڵ حکومەتی بەڕازیل کرد بۆ کڕینی چەند جۆرێکی تانک و چەک لەو وڵاتە، هەر بەپێی ئەو گرێبەستە بەڕازیل گڕیبەستێکی دیکەی بەسەر بەغدا سەپاند ئەویش کڕینی هەزاران ئۆتۆمبێلی جۆری ڤۆڵکسواگنی "بەڕازیلی" بوو لە ساڵانی نێوان 1983 بۆ 1988، کە بەسەر ئەفسەر، جێگری ئەفسەر، کارمەندانی وەزارەتی بەرگری ئەوکاتەی عێراق و کەسوکاری کوژراوانی شەڕی نێوان عێراق و ئێران دابەشکران. 

 

ڕاگەیێنراوی فەرمی: وەزارەتی بازرگانی لە بەیاننامەیەکدا ڕایگەیاند: لەسەر بانگهێشتی فەرمی حکومەتی بەڕازیل و دەزگای بازرگانی و وەبەرهێنانی بەڕازیل (ApexBrasil) ، شاندێکی وەزارەتی بازرگانی بەسەرۆکایەتیی ئەسیر غڕێری، سەردانی ئەو وڵاتەیان کرد.

    
زانیاریی زیاتر: لە پەراوێزی سەردانەکەدا، شاندەکەی عێراق لەگەڵ بەرپرسانی کۆمپانیای ڤۆڵکسواگن لە کۆبوونەوە و تیایدا باس لە ڕێککارەکانی کارکردنی هاوبەشی ستراتیژی نێوان عێراق و لقی بەڕازیلی کۆمپانیاکە بۆ دووبارە هاوردەکردنی ئۆتۆمبێلی جۆری "بەڕازیلی" کرا.

 

ئەمەش بزانە: بەرپرسانی کۆمپانیاکە چەندین جۆر و مۆدێلی نوێی ئۆتۆمبێلی "بەڕازیلی" و ئامیری نوێیان بۆ شاندەکە خستووەتەڕوو.