دوو تۆمەتبار لەدەست هێزە ئەمنییەکانی بەغدا ڕادەکەن و لە هەولێر دەستگیردەکرێن

ئاڤا نیوز

دوو ئامۆزا کە تۆمەتبار بوون بە کوشتنی سەربازێکی سوپای عێراق لە بەغدا، لەدەست هێزە ئەمنییەکانی عێراق ڕادەکەن و لە هەولێر لەلایەن هێزە ئەمنییەکانی کوردستان دەستگیردەکرێن.

لە بازاڕێکی شاری بەغدا سەربازێکی سوپای عێراق بە فیشەک دەکوژن و لە هەولێر دەستگیر دەکرێن.

وێنە گەورەکە: لە بەغدا دوو کەس کە شۆفێری تاکسین و ئامۆزای یەکترن، لەگەڵ سەربازێکی سوپای عێراق دەبێتە کێشەیان و ڕۆژی شەممە دووبارە لە بازاڕێکی ئەو شارە چاویان بە یەک دەکەوێتەوە، دوو ئامۆزاکە سەرەتا بە تێڵا و ئاسن دەکەونە گیانی سەربازەکە و دواتر بە فیشەکی دەمانچە کۆتایی بە ژیانی دەهێنن.

ئەوەی پێویستە بیزانیت: دوای ئەوەی تاوانبارەکان لەدەستی هێزە ئەمنییەکانی بەغدا هەڵدێن، سەرەتا ڕوودەکەنە موسڵ دواتر دەچنە شاری دهۆک و لەوێشەوە دێن بۆ هەولێر. پێشتریش دەزگا ئەمنییەکانی بەغدا ناو و ناونیشانی ئە دوو تاوانبارەی بۆ دەزگا ئەمنییەکانی کوردستان ناردووە. پۆلیسی هەلێریش شەو لە هۆتێلێکی لەناو شیرینی خەودا هەردووکیان دەستگیر دەکات.

لێدوانی فەرمی: عومەر یەکێکە لە بکوژەکان و سەبارەت بە هۆکاری کوشتی سەربازەکە دەڵێت: یەک زەڕە پەشیمان نیم لە کوشتنی و ئەگەر ئێستاش زیندوو بێتەوە دیسان دەیکوژمەوە.

ئەمەش بزانە: دوای ئەوەی تاوانبارەکان بە ڕۆژی ڕووناک لە دەستی هێزە ئەمنییەکانی بەغدا ڕزگاریان دەبێت، ڕووداوەکە دەنگدانەوەیەکی زۆر لە شەقامی عێراقی بەدوای خۆیدا دەهێنێت و خەڵک گلەیی دەکەن لەوەی بۆچی هێزە ئەمنییەکان نەیانتوانیوە دەستبەجێ تاوانبارەکان دەستگیر بکەن.