ترەمپ: حەز دەکەم ببمە پاپای ڤاتیکان

ئاڤا نیوز

 

سەرۆکی ئەمریکا بە گاڵتەجاڕییەوە باسی هەڵبژاردنی پاپای نوێی ڤاتیکان دەکات و دەڵێت، حەزدەکەم ببمە پاپای داهاتووی ڤاتیکان.

 

وێنە گەورەکە: لە سەروبەندی دەستپێکردنی کۆبوونەوەی کاردیناڵەکانی جیهان بۆ هەڵبژرادنی پاپای نوێی ڤاتیکان و  ڕێبەری کاتۆلیکەکانی جیهان، سەرۆکی ئەمریکا دەیەوێت وەک پاپای داهاتووی ڤاتیکان هەڵبژێردرێت.

 

لێدوانی فەرمی: دۆناڵد ترەمپ، سەرۆکی ویلایەتە یەکگرتووەکانی ئەمریکا بە گاڵتەجاڕییەوە لە وەڵامی ئەوەی حەز دەکات کێ ببێتە پاپای داهاتووی کاتۆلیکەکان بە ڕۆژنامەنووسانی  ڕایگەیاند:'' دەمەوێت ببمە پاپای ڤاتیکان لە شوێنی پاپا فرانسیس، ئەوە هەڵبژاردنی یەکەمی من دەبێت''.

 

زانیاریی زیاتر: بڕیارە ڕۆژی 7-5-2025، هەموو کاردیناڵەکانی جیهان کە ژمارەیان 135 کەسە لە کەنیسەی سیستن لە ڤاتیکان کۆببنەو بۆ هەڵبژاردنی پاپای نوێی ڤاتیکان.

 

باکگراوند: ڕۆژی 21-4-2025، ڕێبەری کاتۆلیکەکانی جیهان، لە تەمەنی 88 ساڵیدا بەهۆی جەڵتەی مێشک و سستی دەمارەکانی دڵیەوە کۆچی دوایی کرد و لە کەنیسەی سانتا ماریا ماجیۆری لە ڤاتیکان نێژرا.