بەریتانیا بە هاوکاریی ئەمریکا هێرشی ئاسمانی دەکاتە سەر حووسییەکان

ئاڤا نیوز

دوای دەستپێکردنی هێرشەکانی ئەمریکا بۆ سەر حووسییەکانی یەمەن، بۆ یەکەمجار سوپای بەریتانیا لەگەڵ ئەمریکا هێرشی ئاسمانی دەکاتە سەر ئەو گرووپە.

 

چیڕۆکی سەرەکی: لە 15-3-2025ـەوە ئەمریکا بە فەرمانی دۆناڵد ترەمپ، سەرۆکی ئەمریکا ئۆپەراسیۆنێکی ئاسمانی بەرفراوانی بۆ سەر پێگەی حووسییەکان دەستپێکردووە، سوپای بەریتانیاش بۆ یەکەمجار بەشداری لە ئۆپەراسیۆنێکی دژی حووسییەکان دەکات.

 

ڕاگەیێنراوی فەرمی: وەزارەتی بەرگری بەریتانیا ڕایگەیاند: ئەو ناوچەی کە هێرشی ئاسمانیان کردووەتە سەر دەکەوێتە باشووری شاری سەنعا کە  کۆمەڵێک باڵەخانە بووە کە حوسییەکان بۆ دروستکردنی فڕۆکەی بێفڕۆکەوان بەکاریان دەهێنا بۆ هێرشکردنە سەر کەشتییەکان لە دەریای سوور و کەنداوی عەدەن.

 

لەلایەکی دیکەوە: جۆن هیلی، وەزیری بەرگری بەریتانیا گوتی: ئەم هێرشە لە وەڵامی هەڕەشە بەردەوامەکانی حووسییەکانە بۆ هێرشکردنە سەر کەستیوانەکانمان کە بووەتە هۆی دابەزینی 55%ی بازرگانی لە دەریای سوورەوە زیانی ملیارەها دۆلارمان پێکەوتووە. 

 

باکگراوند: لە سەرەتایی دەستپێکردنی هێرشەکانی ئیسرائیل بۆ سەر کەرتی غەززە، وەک پاڵپشتیێک حووسییەکانی هێرش دەکەنە سەر کەشتییە بازرگانییەکانی ئەمریکا و بەریتانیا وەک خۆیان دەڵێن، ئەو وڵاتانە هاوکاری ئیسرائیل دەکەن.